Prison Break: The Conspiracy
كعادة الالعاب المقتبسه من الأفلام لازم تكون مروعه ولا ترتقي للمستوي المطلوب, (وبرزند بريك) لا تشذ عن هذه الفكره. يعني المطورين يقولون خلنا نسوى لعبه أي كلام عشان الاسم بس.
علي كثر ما كنت من اشد المعجبين في المسلسل والي أعتبره هو السبب الذي خلاني احب المسلسلات الأجنبية مثل لوست, هيرو, وغيرها. لاكن العبه خلتني اكره العبه واكره المسلسل.
لا تحتوي العبه علي أي نوع من التشويق فأنت المحقق بكستن الذي يحول التحري عن سكوفلد في السجن والتعرف علي ما سوف يقوم به, العبة تمشي علي اسلوب واحد طوال مراحلها الي تتكون من 9 اقسام, أسلوب العب تخفي في معظم الوقت تحاول التخفي من الشرطه والتسلل في أرجاء المرحله, ويكون في بعض الاوقات قتال مع بعض المجرمين في السجن ولاكن اسلوب القتال فاشل فاشل فاشل لي أبعد درجه,
أغلب الوقت تقوم بنفس العمل تفك صواميل عشان تطفي اللمبات وتسلل, أو أنك تهرب من الاضواء الي تكون علي السطح, وأكثر شيء بيخليك تكره العبه أسلوب ضغط الازرار بسرعة الي ما تعرف متي تتطلع لك و لا تعرف متي تبدا او تنتهي وكثير مت في المراحل بسبب هذا المشكله الي كرهتني في العبه علي كثر ما انا كارهه في الاصل.
ممكن تكون الحسنه الوحيدة هي الاصوات, مطابقة للحقيقة وأحسن ثيم سمعته والوحيد هو ثم البداية والي اشتهر فيها المسلسل.
الشيء الي يضحك هو الذكاء الاصطناعي او بالأصح الغباء الاصطناعي, كثير من المرات تقول (وش يبي ذا الشرطي, وينا فيه) شيء لا يصدق والله اني اتشقلب قدامه متعمداً ولا كأني موجود.
مستويات الصعوبة هي نفسها ما تفرق من السهل و المتوسط والصعب غير في أشياء بسيطة,من بعض الفروقات مثل ان الشرطه ما يظهرون في الرادار ,الكمرات لما توقفها ما ترجع تشتغل وبس, ما حسيت في اي نوع من التحدي الي يخلني ارجع لها مره ثانيه.
تقيم بشكل عام: 3/10
